GOPIÑA 2023-2026

GOPIÑA 2023-2026

Quen somos

gopina-equipo
EQuipo

Alta capacidade e experiencia

O Grupo Operativo GOPIÑA forma un equipo compacto que vén colaborando en actividades relacionadas co proxecto desde hai máis de catro anos. Todas as entidades participantes están comprometidas cos obxectivos que contempla o proxecto a curto e medio prazo e contan con equipos profesionais de alta capacidade e dilatada experiencia nos cometidos que lles asigna o proxecto.

O grupo operativo GOPIÑA está formado por catro entidades beneficiarias, tres entidades colaboradoras e dúas entidades subcontratadas.

Entidades beneficiarias

É unha fundación de interese público na que participan as principais organizacións do sector forestal e da madeira. https://www.fundacionarume.gal/

A Fundación Arume é a entidade representante do Grupo Operativo. A súa misión no proxecto é coordinar o Grupo Operativo e conseguir unha eficiente transferencia de resultados aos axentes do sector.

Entre os seus principais obxectivos está a realización de proxectos de I+D, de innovación, de formación, de comunicación e de divulgación coa finalidade de mellorar os montes de coníferas e fomentar e impulsar a mellora xenética dos materiais de reprodución. A Fundación Arume ten un acordo de colaboración coa Cooperativa de Mejoramiento Genético Forestal de Chile, iniciativa intersectorial impulsada en 1976 desde a Facultade de Ciencias Forestais da Universidade Austral de Chile.

A Fundación Arume iniciou en 2018 o desenvolvemento de actividades de apoio á mellora xenética de coníferas, traballando en colaboración con expertos do Centro de Investigación Forestal de Lourizán e de distintas empresas e organizacións do sector, constituíndo no seu seo un grupo de traballo en mellora xenética de coníferas.

É un viveiro de planta forestal e ornamental que se dedica á produción entre outras especies de piñeiros pinaster e radiata, procedente de semente e conta cunhas modernas instalacións situadas en Abadín, Lugo, unha das zonas de mellora que formula o programa de mellora do piñeiro radiata en Galicia e no corazón dunha comarca forestal con moi boas aptitudes para a produción de piñeiro insigne. https://www.asvinor.com/asociados/viveros-costa-longaras/
O viveiro forestal Hifas Foresta S.L. dedícase á produción de planta forestal de varias especies. Ten a súa sede en Bora, Pontevedra. Especializouse na multiplicación de especies forestais e a súa micorrización con diferentes especies de fungos con valor comercial. A súa participación incluirá a inoculación de fungos micorrícicos no proceso de cultivo dos pés nai e da planta procedente de estaca. Dispón de modernas instalacións en Bora-Pontevedra. https://www.hifasforesta.com/.
A Asociación Forestal de Galicia é unha asociación sen ánimo de lucro creada en Santiago de Compostela en 1986, que agrupa persoas propietarias forestais de montes particulares e comunidades de montes veciñais en man común. Entre os seus fins atópase apoiar e impulsar a investigación forestal, propoñer liñas e proxectos de investigación que respondan ás necesidades das persoas silvicultoras galegas e promover iniciativas que contribúan a aumentar o valor engadido dos bens, produtos e recursos xerados nos montes galegos. https://asociacionforestal.gal/
gopina-profesionales
gopina-entidades

Entidades colaboradoras

Colabora como centro de investigación forestal de referencia. Ten un papel esencial na elección e test do material de partida, así como no seguimento e avaliación de todo o traballo do grupo operativo. Dispón de equipos de investigación altamente cualificados e lidera en Galicia os programas de mellora xenética das principais especies forestais que medran nos montes galegos. https://lourizan.xunta.gal/.
É o organismo competente en Galicia para o desenvolvemento dos programas de mellora xenética forestal, xestiona as hortas de semente das que vai proceder o material de partida para o estacado e a súa participación é clave para validar os resultados do proxecto e tamén para divulgalos a través dos axentes que forman parte da gardería forestal da que é responsable. Tamén a súa colaboración é moi relevante como xestora forestal dunha gran superficie de piñeirais de pinaster e radiata nos que se consume anualmente unha elevada cantidade de planta. https://mediorural.xunta.gal/gl/temas/forestal/planificacion-e-ordenacion-forestal
É unha una organización sen ánimo de lucro que representa a persoas produtoras forestais e a comunidades de montes veciñais que á súa vez teñen actividade agrícola ou gandeira. Ten unha gran experiencia en proxectos de cooperación e en actividades formativas e divulgativas. http://asefoga.org/

Entidades subcontratadas

Empresa pública con dilatada experiencia en proxectos de desenvolvemento no ámbito da produción vexetal de coníferas. Desenvolveu nas súas instalacións de Maceda (Ourense) a produción por estaca de distintas especies frondosas e é líder en Galicia no desenvolvemento de embrioxénese somática e crioconservación aplicada a especies forestais. https://www.tragsa.es/es/actividad/innovacion-i-d-i/vivero-de-maceda/Paginas/contactar.aspx.
Fundouse no ano 1976 como unha iniciativa intersectorial impulsada desde a Facultade de Ciencias Forestais da Universidade Austral de Chile. É unha entidade de gran experiencia e prestixio internacional en multiplicación vexetativa de diversas especies forestais, entre elas o piñeiro radiata e que no proxecto actuará de subcontratada da Fundación Arume para prestar asistencia técnica na multiplicación vexetativa do piñeiro radiata. (http://www.gestionforestal.cl/mg_03/gestion/inspri/04-04-03.htm)
Gopina-entidades-subcontratadas

Tes algunha dúbida ou consulta sobre o proxecto?

Contacta con nós e intentaremos responder o máis axiña posible.

Contacto

GOPIÑA

Copyright 2024 © GOPIÑA

Accesos

Menú legal

Contacto

GOpiña